www.koczala.hiazintus.com 

Fletenstein

Villa S. R. M. Capitaneatum Sluchoviensem: in ea Ecclesia lignea bona, tecta tegulis ligneis; altare habens unicum ligneum cum portatili bono, sed aliquantum fuit periculose accomodatum. Altare mappis tribus, uno subcorporali, sine antependio, candelabris duobus stanneis, cum cereis, cruce ornatum. Tabula altaris satis bona picta cum imagine Coronatae BMV. Ciborium bonum * cum clausura: in eo pixis lignea indecens cum sacculo, in quo hostiae fuerunt tres recenter consecratae, sed quia contra constitutionem synodalem fit, iniunctum est parocho, ut potius in corporali servetur Venerabile Sacramentum, quousque pixis argentea non curabitur. Suggestum bonum. Baptisterium, in quo ahenum cum aqua baptismali. Caemiterium bonum. Ossorium ligneum. Domus plebanalis cum unico hypocausto satis bono et camera una. Stabula pro peccoribus sufficientia. Horreum bonum. Dos Ecclesiae sex mansi, quatuor in Fletenstein et duo in villa Lanck: quorum unum ipse parochus colit, unum colit Michael Hofman et solvit annuatim per flor. 15 et unum currum lignorum advehit; reliquos duos colit Michael Hinz subditus parochi, qui habitat in fundo et domo plebanali, habens hortum annexum, solvit a manso per. flor. 10, a festo vero S. Michaelis usque ad Pascha qualibet septimana unum currum lignorum, aliis vero temporibus intra duas septimanas unum currum subministrat; dat quoque quatuor gallos, interdum discedit cum parocho propriis equis. Hortus penes domum plebanalem satis amplus. Mansos in villa Lanck colit Martinus Hinz tabernator, solvit ab utroque annuatim flor. 15 et quatuor currus lignorum subministrat. ? Coloni 29, qui solvunt missalia per unum modium siliginis, totidem avenae. Item molitor eiusdem villae per unum modium tantum. Praeterea alter molitor dictus Plauster similiter, itidem tertius molitor dictus Hamersmel . Spectant quoque villae parochiales ad hanc Ecclesiam: Lancke, ubi coloni 14, fuerunt olim 16, sed duo deserti, solvunt missalia per unum modium siliginis et per medium avenae; ibidem arendarius plebanalis unum modium siliginis et medium avenae. Villa noviter exstruckta dicta Steinfort, in qua coloni 9, solvunt missalia per medium modium siliginis et per integrum avenae; conqueritur parochus ratione siliginis praetendendo esse in praeiudicium suum. Inquilini quotquot sunt in villis dictis seu, ut vocant, hortulani solvunt per duos pullos gallinaceos. Villa Hamer non habet colonos, nisi quinque inquilinos, qui etiam pullos parocho dant ratione missaliorum. Pro fabrica Ecclesiae in uno campo duo iugera agri, quae coloni villae Lancke Ecclesiae huic donarunt, sed ea sibi praetendit quidam Nobilis Grzembski, possessor villae Darzno , ita, ut ex illis frumentum ab ipsa Ecclesia seminatum collegerit, aestimatum ad 16 modios siliginis. In debitis Ecclesia habet apud varios flor. 76 gr. 18, in parata * vix supra 10 aliquot gr. Rector scholae est Jacobus Stolpman: habitat in domo propria, cantat in Ecclesia et pueros instruit; quilibet rusticus tenetur illi dare per quartam partem modii siliginis. Praesidet Ecclesiae Ven. Laurentius Szulzius institutus per Perillustrem et Adm. R. D. Joannnem Matthaeum Judicki protunc Officialem Camenensem, sed institutionem non habuit in scriptis; nihil quidem (?) scandalosi auditur de illo, praeter quod aliquando rixetur . Metricam omnium Ecclesiarum suarum simul duplicem ordinate scribit. Vitrici Ecclesiae: David Stolpman unicus.

Źródło: Paul Panske: Monumenta vetustiora ad archidiaconatum Camenensem pertinentia. Fontes XI?XV. Toruni 1907?1911; s. 117-119.

^do góry ^

Strona główna

Publikacje

Wybór tekstów

Stare fotografie

Najstarsze dokumenty

Linki

Kontakt

Reklama