www.koczala.hiazintus.com 

Privilegium molitori Flißensteinensi Urbano Graße et subdito in villa Lanken Martino Kanthak super partem sylvae apiariae concessum

Varsaviae 17. Sept. 1629.

Sigismundus III. Dei gratia rex Poloniae, magnus dux Lithvaniae Russiae Prussiae Masoviae Samogitiae Livoniaeque etc., nec non Suecorum Gotorum Vandalorumque haereditarius rex. Significamus praesentibus literis nostris, quorum interest, universis et singulis. Productas coram nobis fuisse literas papyreas magnifici olim Joannis Weiher, palatini Culmensis, Radzinensis Schluchoviensis Pucensis et Sobovidensis nostri capitanei, manu ipsius sigilloque firmatas, in auctionem proventuum mensae nostrae Regiae medietatis sylvae Sampolnensis, in districtu Schluchoviensi sitae, ubi olim apium, nunc eadem cessante agrorum sit cultura, providis Urbano Grasse et Martino Kanthak jure apiario sub certis conditionibus concessionem in se continentes, salvas illaesas omnique suspitione carentes, supplicatumque nobis, ut easdem literas authoritate nostra Regia confirmare et approbare dignaremur: quarum quidem literarum tenor sequitur estque talis.

Documentum nostrum 60.

Nos itaque supplicationi praedictae benigne annuentes literas praeinsertas in omnibus earum punctis, clausulis et conditionibus confirmandas et approbandas duximus, uti quidem, quantum de jure earumque usus habetur, confirmamus et approbamus praesentibus: decernentes eas vim et robur debitae firmitatis obtinere debere. In cujus rei fidem praesentes manu nostra subscriptas sigillo Regni muniri jussimus. Datum Varschaviae die 17° mensis Septembris anno 1629, regnorum nostrorum Poloniae 42°, Suetiae 37° anno.

Quelle: Paul Panske: Documenta capitaneatus Slochoviensis (1471-1770). Torun 1935, S. 95.

^nach oben ^

Startseite

Bücher

Texte

Alte Bilder

Urkunden

Links

Kontakt

Werbung